الثلاثاء، 12 أكتوبر 2010

بيب بيب اهلى طبعا امال بتاع الغاز


بصوا يا بنى ادمين منعاً للقيل والقال ومعدش ايوا معدش يسئلنى يعنى اية القيل والقال دا لانى ولا فاهم هو اية لكن طق فى الماى مايند ان اكتبه ليكم وخلاص .....ام هند فى نباء عاجل من بتنا الموقر نحيط سيادتكم علما بان حرمنا المصون توتا هانم ربة الصون والعفاف لا تعانى من اى امراض عقلية ولا امراض معدية وانه يمكن التعامل معه بحذر واللى يشوفها ياخدها من ايدها ويطبطب عليها وميجبالهاش اى مج نسكافية ههههههههههههههههههههه لا بدل ما نتضرب بجد بجد انا اسف انى مهمل فى حق الاسئلة اللى بشوفها فى التعليقات وبتسئل على الماى لف بتعاتى نظرا لظروف الشغل والله واحتمال جليطة بردوا وكسل ميضرش وعليه قررت انا حكمدار العاصمة بالتوجة بالنداء الى المدعوة توتا القاطنة بدير النحاس لا تشربى هذا الدواء الدواء به سما قاتل لاء لاء مش دا نحطيكم علما بانا توتا والله بخير جداااااااااااااااااااااااا جداااااااااااااا ويااااااااااااارب منورة علياااااااا دنيتى وحياتى معلش ادعوا لماما ((حماتى عاااااااااااااااااااااا)) انها تقف بى السلامة يارب على رجلها وتشخط وتنطر فينا وتطالب واحنا نسمع صاغرين اماال هنعترض يعنى دا حماااااااااااااااتى يعنى ركبكم لازم تخبط على الجيران من الخوف كدا ॥ وان شاااااااااااء الله يارب هترجع عن قريب للمدونة وهتابع الناس اللى انا مقصر فى حقهااااااااا وبتاااااسف ليكم جميعا مرة تانية واسيبكم مع الفاصل دا... المنقول طبعا.....

أهلا بكم سيداتي آنساتي سادتي بالقمر الصناعي من استاد يثرب الوطني.....<< أحييكم لنقل المباراة الهامة والمرتقبة بين يهود بني خيبر ويهود بني النضير.....<< زي ما احنا شايفين يهود بني خيبر نازلين الملعب من ساعة شروق الشمس وشغالينإحماء وتمارين .....<< بينما يهود بني النضير لسه بيعملوا شوبنج في خزاعة مول وجايين كمان شوية .....<< والله مراسلنا في الملعب ؛ الأخطل بن أبي شفلحة لسه مخبرني حالاإن يهود بني خيبر قاموا بزيارة للأصنام امبارح وخلصوا كل حاجةوجايين جاهزين النهاردة ونفسياتهم المعدنية معدية في الحديدبعد أن أكلوا الثريد باللحم عند حاتي تبوك.....<< وزي ما احنا عارفين إن فريق يهود بني خيبر جاي النهاردة بقيادة مدربهم الجديد .. شقيع بن ماخنفين ..وطبعا انتو متابعين آخر أخبار الهجرة الكرويةوعارفين إن المدرب ده كان في نادي نجرانورفض كل العروض المقدمة ليه من نادي حطينونادي بدر وقبل العرض المغري بتاع بني خيبر ..تصوروا مرتبه في الشهر بقى ألف دينار وكمان أعطولهألف ناقة حمرا وخيمة مكيفة وجمل فور باي فور مركب فيه سبويلر بارتفاع 2 متر وحصان هيراري 6 رفاسات ونظام حقن عربجوني .. يلا حر و نار في جتته بس المهم نرجع للمطش .....<< والحمد لله يهود بني النضير وصلوا بالسلامة و داخلين الملعب وكأن على رؤوسهم الطين .. والله آديني سامع مدربهم المحنك ذي السبعين خريفا ؛ كهلون بن البراطع عمال يخطب في اللعيبة ويحمسهم ويقول :" ياااا قوم .. يا معشر بني النضير .. لقد تفلجت فينا الهزائم واشمئزت منا الكلابو .. فإما نخوض إلى المعالي وإلا لتفت علينا البغالو .. فلتسحقوا كل العلوج فلا يظل سوى الميلانو " .. والله فيك العافية أخ كهلون .. هدي نفسك لتروح في شربة عصير تمر .....ووالله شايف كل فريق اصطف في جروب وآدي يهود بني خيبر عم بيأدوا النشيد الوطني : " نحن عباد عك عك .. نحن عباد صهاااينه .. عندنا كل جبااانيه .. مثل كلاب دااانية .. نحن عباد عك عك " ماعلينا .. وآدي يهود بني النضير جاء دورهم وعم بيقولوا : " يا أهل النضارة يا تراب الأمم .. يازبل اليمامة يا نعال الجزم .. " ما علينا يا جماعة خليهم يعتزوا بتاريخهم شوية.....وآدي الحكم القروي أبا الحكم القرشي بيعمل القرعة رغم إني شايف كهلون بيحطله بريزة في جيبه في الخباثة عشان..... ما علينا يا جماعة مش هنحكي دي حاجات معروفة في السياسة الجاهلية ......لو انتا قاعد في مدرجات الدرجة الأولى هتلاقي بني النضير على يمينك وبني خيبر على شمالك .. أما لو انت مش في الاستاد فما تحلمش كتير وتقولي هاشترك في ال إيه آر تي عشان ما كانش فيه لسه اتفاقية البث الفضائي مع العرب والحل إنك تعرف أخبار المباراة بالليل في مجالس اللهو وأشهرها خمارة الست كايداهم أم لولي .....<< وتبدأ المباراة وزي ما انتو شايفين المباراة حامية جدا والهجمات مش عارفين نلاحقها.....<< إيه ده أبو الحكم موقف المباراة .. يا ترى في إيه ؟؟ لا والله عنده حق ابن اللئيمة.. أصله شاف إن شورتات بنو خيبر غير شرعية وإنها نزلت عن الحد المسموح بيه ومفيهاش أساتك لا وكمان مش لابسين تحتها بوكسرات .. والله اللعيبة بتحب تجدد بس يظهر أبو الحكم دقة قديمة وبيفضل الشورتات الاسترتش .. المهم اللعيبة غصبن عنهم غيروا وتستكمل المباراة بإسقاط الكرة وطبعا خدوها بنو النضير بوضع اليد .....ورجعنا تاني وآدي هجمة خطر لبني خيبر.. وأنا شايف اللعيب الخيبري ؛ شمقمق واقف بالكورة مش عارف ليه .. آه لمح شمقمق إن لعيبة بني النضير عاملين له كمين وحافرين خندق قدام التمانتاشر وما رضيش يجازف و يجرب التسديد بالمنجنيق .. بس حظه حلو أبو الحكم والله طلع شهم وحسب ضربة جزاء ونفض للبريزة بتاعة كهلون .....وأنا شايف شقيع وجهازه الفني نزلوا الملعب بالسيوف وبيجروا ع الحكم .. لكن طبعا احنا شايفين الأمن المركزي بقيادة اللواء / أبو لهب مجانص عامل شغل جامد والله ومدي صورة مشرفة تساعدنا على تنظيم كأس الأمم الجاهلية ٣ هجري .....والحمد لله الوضع استقر وآدي حناشر زعزع بالفانلة رقم ٧ داخل يسدد ضربة الجزاء .. بس إيه ده ؟!! الحكم صفر فجأة ووقف اللعب من تاني .. يا تري في إيه تاني في اليوم المطين بطينة اليهود ده ؟!!...والله أنا شايف حارس مرمي بنو النضير اللي من أصل ألماني ؛ شوماخر كفو بيشاور طالب التغيير و بيجري ناحية الجماهير وبيصرخ ويقول : " آخخخخ شلت يديييييييي ".....وعشان ما فيش حارس احتياطي فالحكم اضطر يلغي المباراة وينهيها بفوز بني خيبر .. والله راحت عليك البريزة هدر يا كهلون .....ألف ألف مبروك لبني خيبر .. ولاد الهرمة عملوها وخدوا الكاس والله .. وهيلعبوا إن شالله في شهر صفر بالقسطنطينية في كاس القارات .....وأنا شايف والله الجماهير النضيرية ورا الجون بتضرب الحارس شوماخر كفو بالكرابيج والمرزبات .. واللي سمعته إن الحكم بعد ما ألغى المباراة ضحك وقال :" إنها سليمة ههههه إنها سليمة " .....كان معكم من استاد يثرب معلقكم الرياضي بحلس ومن غرفة الهندسة الصوتية من مصر مخرجكم منقاورع عظيم المنكبين

11 التعليقات:

mrmr يقول...

صباح الخير
ازيك يا حسام
عايزه اسال عن توتا يارب تكون بخير

وازى صحه ماماتها

يارب يكمل شفاها على خير

انا عرفت من تعليق ليك ان ماماتها فى المستشفى وانها مشغوله معاها

ياريت توصل ليها سلامى ودعائى ليها بالشفاء

وقلها انها وحشتنى ومنتظره منها اى اخبار تطمنى عليها

ثانكس

شهرزاد يقول...

اهلا بك حسام
والله كنت قلقانة على توتا
ربنا يقوم والدتها بالسلامة
وترجع تنور مدونتها وتنور لك حياتك
وانت ساعدها ولا تكسل جاوب الناس الي بيحبوك
مع كل الود

جايدا العزيزي يقول...

حسام

اولا الموضوع هايل تسلم

بس سؤالى تقصد بايه العين ما تعلاش على الحاجب

عليت وعليت وعليت

ودخل فى منخبنا الوطنى واحد ياخبر

بس موضوع فى الصميم

وسعيده لان المدونه مفتوحه بحسك وحس توتا

ربنا يشفى والدتها يارب

وترجعلنا بالف سلامه

ويخليكوا لبعض

اميييييييييين

بلغهاسلامى

اشكرك اخى

وقول لحسن شحاته العين ساعات بتعلى عن الحاجب

لما نكون مقلوبين

اشكرك

تحياتى

gogo!sf يقول...

ازيك يا حسام

الحمد لله اننا اطمنا على توتا القمر
ويارب يشفى مامتها اللى هى حماتك طبعا

بجد انا بدعيلها كتير اوى انها تقوم بالف سلام ونطمن عليها دايما وتكون بالف خير يارب

ومن الاخر عشان نفرح فيكم اقصد بيكم

سلامى لتوتا ولوالدتها

وربنا يطمنا عليكم جميعاً

همسات وبحــ الحياه ــر يقول...

ازيك ياحسام توتا عامله ايه
سلملى عليها كتير
اسأل الله العظيم رب العرش العظيم ان يشفى والدتها
وصل سلامى ليها اكيييييييد

الــحــــنـــــــــــــــــــين يقول...

السلام عليكم ورحمة الله الف سلامه على ماما توتا وموضوعك جميل ياحستم بس احنا انهزمنا يا رجاله

Ms Venus يقول...

ازيك يا حسام

وازى توتا

سلم عليها كتير وقولها انها وحشانا كتيررر اوى


معلش انا ماليش فى الكورة


انا بس داخلة اسلم على توتا

عمرو يسرى يقول...

السلام عليكم
ازيك يا حسام
الف سلامه على والده توتا
ويارب يكمل شفاها على خير

بوست هايل
تحياتى لك ولتوتا

فكرة من الزمن ده يقول...

بوست لذيذ ودمه خفيف
ويارب يخليكم لبعض ويطمنا عليكم
وحشتيني ياتوتاااااااا
تحياتي

شوية قهوة يقول...

انا حبيت اني اسال على توتا بقالي كتير مش بشوفها
خليها تطمني عليها

شهرزاد يقول...

اخي حسام مر وقت طويل لكتبت ولا طمنتنا على توتا
بليز حاول تكمنا عليه والله انا قلقانه عليها
ربنا معاكم
تحياتي