الأحد، 29 أغسطس 2010

ههههههههههه الصيام وتاثيرة



حوار بين واحد صايم وواحد حران......كان الناتج الاسئلة والاجابات دى طبعا
-اية هو الحيوان الاخضر الصغير اللى بيأكل الزلط؟؟
।ابن الحيوان الأخضر اللى بيأكل الزلط
-اية عكس كونكريت
لاتكن كريت
-اية عكس تلميذات؟
-((اكيدdon't tell me that
- لية التعلب طخين ياشطار؟؟؟؟
((اكيد علشان التعلب fat fatوفى ديلة سبع لفات))
-حاجة ماشية ع الارض وبتعمل ززززززززززززز؟؟؟؟؟
(( صرصار راكب موتوسيكل ياتوتا هههههههههههههه مش بتاع ههههههههههههههههههه
طيب ناس دخلوا شقة وعرفوا ان فيها صراصير عرفوا ازاى ؟؟
(( لقوا الموتوسيكلات راكنة جامب البلاعة
تعرفوا تقوللى فرقين بين الليمون والزيتون ؟؟
((1- فيه ليمونادة ومافيش زيتونادةتقدر تقول الناس لامنى ومتقدرش تقول الناس زاتونى
طب تعرفوا تقولوا 5 فروق بين البطة والوزة??
(( 1- تقدر تحلق شعرك زلبطة لكن متقدرش تحلقه زلوزة 2- فى رحالة اسمة ابن بطوطة لكن مافيش رحالة اسمه ابن وزوزة3- تقدر تبلبط فى البحر لكن متقدرش تبلوز فيه 4-كلنا بنتغطى فى الشتاء ببطانية لكن مابنتغطاش بوزانية 5- اخيرا الوزة كانت زمااااااااان بطة لكن الشيطان وزها
طب تعرفوا تقولولى 5 فروق بين النملة والفيل ؟؟
((1- رجل الفيل ممكن تنمل لكن رجل النملة مش ممكن تفيل 2-البيت ممكن يكون فية نملية لكن لا يمكن يكون فيه فيلية 3-تقدر تاكل سمك فيلية لكن مش ممكن تاكل سمك نملية 4- كل واحد لية بروفيل لكن مالهوش برونملة ((you can feel but can't namla))
-اية عكس زمان؟
ذا ويمان((the woman))
-لية القطر بيصفر قدام الصيدليات
علشان القطرة تطلع
- لية الكاست مابيخلفش
علشان بنحطلة شريط
- بيضة وقعت من الطيارة وماتكسريتش -تفتكروا لية ؟
علشان ربنا ستر
-طب بيضة وقعت من البرج وماتكسريتس _ تفتكروا لية ؟
اصلها وقعت على الناحية المغسولة بمعجون الاسنان كرست
- ازاى نحط غزالة فى التلاجة على ३ خطوات
نفتح التلاجة ونحط الغزالة ونقفل التلاجة
-طب ازاى نحط الفيل فى التلاجة على اربع خطوات
نفتح التلاجة ونشيل الغزالة ونحط الفيل ونقفل التلاجة
-طب فية طيارة شايلة اجهزة كهربية وحصل فيها عطل ولازم نرمى اتقل جهاز نرمى اية ؟؟
نرمى التلاجة علشان فيها الفيل
-واحد بيعوم وفجأة مات تفتكروا لية
التلاجة اللى فيها الفيل وقعت عليه
-قطة دخلت عند الحلاق لية
علشان الباب كان مفتوح طبعا
قولت نرخم عليكم انا وتوتا حبيبتى بحوار خنيق وكل سنة وانتم جميع طيبين شدوا حيلكم بقى مش باقى فى رمضان الا ايام معدودة ربنا يتقبل منا جميعا صيام وقيام الشهر واعتكافة

الثلاثاء، 24 أغسطس 2010

قصيدة الصلاة على محمد


إذا ما شئت فى الدارين تسعد
فأكثر بالصلاة على
محمد
وإن شئت القبول فى الدعوات
قتنحنى من الصلاة على محمد
فلا صوم يصح ولا صلاة
لمن ترك الصلاة على
محمد
وإن كانت ذنوبك ليس تحصى
تكفر بالصلاة على
محمد
فما تتضاعف الحسنات إلا
بتكرار الصلاة على
محمد
وعندالموت ترى أمورآ
تسرك بالصلاة على
محمد
وعند القبر تحظى بالآمانى
وترحم بالصلاة على
محمد
ولا تخشى من الملكين رعبآ
إذا سألاك قل لهما
محمد
رسول الله حقآ اتبعنا
وآمنا وصدقنا
محمد

*******
بقلمى
توتا

يارب تعجبكم

السبت، 21 أغسطس 2010

تخيل نفسك كمبيوتر


تخيل نفسك كمبيوتر
Windows XP

وكل حياتك أزرار
الحياه رح تكون سهلة والمشاكل تنتهي

مثلا اعمل لحياتك ******* ولغلطاتك

Delete

وللماضي

Clear History
لو حسيت انك مش متأقلم مع الحياه إعمل

Format

دايما افتح صفحه جديده في حياتك

New Folder

لو ضاعت منك الحقيقه
Search
ولما تلاقي نفسك ناجح

Save As
لو حسيت بالبرد

MacAfee - Norton
وكل ما تحس ان رتم الحياه بطئ

Restart
ودايما كن مرتب افكارك
Defragments
واي عقبه تواجهك ما تيأس

Control + Alt + Delete
لوحسيت انك تهت في الدنيا خلي الصوره واضحه

Win + D
ودايما اعمل جوله داخل نفسك
Alt + Esc
واختار الصح من جولتك
Alt +Tab
واقفل اي صفحه في حياتك مش عجباك
Alt + F4
واذا زعلت من واحد على طول

Shift

السبت، 14 أغسطس 2010

رمضان كريم

طبعا كلنا قولنا كل سنة وانت طيب ورمضان كريم بعتنها لبعض ام رسالة فى ميل فى تليفون او فيس تو فيس لكن انا هنا عاوز كل واحد يقول او يختار تلات اشخاص يقولهم كل سنة وانت طيبين التلاتة عن نفسى اتمنى يكون بينهم حد انت فعلا مش قولت لية الجملة دى بس والنبى محدش يختار الرئيس ولا الشعب ولا طبعا حبيبنا جمال لاء تلاته فعلا تتمنى تقولهم من جواك اوى كل رمضان وانت بخير
انا عن نفسى اختارت التلاته اللى كان نفسى اقولهم بعد طبعا ما قولتها للجميع التلاتة دول اول واحد فيهم هو السبب فى انى اكتب التوبك دا
وهو الرسول صلى الله عليه وسلم سبب الفضل فى هذا الشهر
التانى بابا الله يرحمة اللى كل لحظة فى رمضان بتفكرنى بطقوسة وقت الفطار او السحور ضحكته اللى كانت منورة البيت دا كله دعائه ساعة الفطار قبل الاكل ادواته اللى كان بيجهزها جامبة علشان يعمل لنفسة الشاى وطبعا السجاير .......
تالت حد بقى شخص انا ممتن ليه بكل لحظة فرح صنعها فى عمرى وفى حياتى شخص شال عنى انكسرى والمى وواجع وبدلهم من لمسة واحدة من ايده الى فرح وسعادة شخص لو قعدت اوصف فيها بكل كلمات المتعارف عليها فى كوكب الارض كل الكلام هيقف عاجز قدامه عن وصفة شخص انا بفتخر انه شق قلبى وصنع لنفسة مملكة فيه واحتلنى من خبايا نفسى شخص بفتخر انى بحبه اوووووووووووووى اووووووووووووووووى وانه اجمل هدية ربنا رزقنىومن عليا بيها شخص اسمه حبيبتى توتاااااا ربنا ما يحرمنى منك ابدا وتفضلى النور اللى بيكسر كل ظلام فى حياتى
اسيبكم بقى مع الكلمات دى والفيديو داااااا

من هنا يابنى ادمين







هههههههههههههههههههههههههههههه كنت ناوى انزلكم واقطع نفسكم بما انكم صيمين لكن معلش بقى استمتعوا معانا
ياله
أنت نور الله فجراً جِئت بعد العسر يسراً

ربُنا أعلاكَ قدراً يا إمامَ الأنبياء

أنت في الوجدان حيٌ أنت للعينين ضيٌ

أنت عند الحوض رِيٌ أنت هادٍ وصفيٌ

يا حبيبي يا محمد
~ ~ ~ ~ ~ ~ ~ ~ ~
يا نبي سلام عليكَ يا رسول سلام عليكَ

يا حبيب سلام عليكَ صلوات الله عليكَ

يا نبي سلام عليكَ يا رسول سلام عليكَ

يا حبيب سلام عليكَ صلوات الله عليكَ
~ ~ ~ ~ ~ ~ ~ ~ ~
يرتوي بالحب قلبي حب خير رسل ربي

من به أبصرتُ دربي يا شفيعي يا رسول الله

أيها المختار فينا زادنا الحب حنينا

جِئتنا بالخير دينا يا ختام المرسلين

يا حبيبي يا محمد

دا جزء من الكلمات طبعا اسيبكم مع الفيديو لان الصوت ررررررررررررروعة فيه ومعلش مش عارف ارفعه من الجهاز لان النت رخم جداااااااا

http://www.youtube.com/watch?v=dFSbzKu-ZBs

قلوب بلا مشاعر


عندما يجتاحنا الصمت ونسكن كهف الظلام برفقة الآحزانـ
ونصبح غير قادرين على التعايش بقلوب تنبض بالمشاعر
والحب
ويحدثنا البعض عن مساوىءهذا الإحساس
كيف ولماذاوخطأ ان ينبض قلبك بالحب بعيداً عن هذا السحر
تجنب ان تقع فى هذا الخطأ يوماً ما
حذارى من ان تصرخ بالحب او تتحدث عنه
حينئذ يسكنا الرعب
ماذا اقترفنا نحن عندما أحببنا؟
تولد داخلنا تلك الأحاسيس رغماً عنا دون سابق
انذار او تأهب لهذا الشعور



عجباً لهؤلاء البشر!!
أيعقل ان القلوب عندما تحب
يقال عنها اقترفت ذنب ؟
عندما ينبض داخلنا هذا القلب
الذى وهبنا الله اياه ليخفق داخلنا كي نحيا وننعم بالحياة

ان هذا الخفقان او الاحساس

الذى يحتويناغير لائق و آمر مشين ؟
حقاً مللنا الخداع والحقد حقنا سئمنا الكراهيه

والتمثيل من البعض

من هم يمثلون وببراعة انهم

لا علاقة لهم بالحب وذويه !!
من هم يتعايشون فقط

بقناع لا يمت لهم بصله


يتوهمون انهم بلا قلب بلا مشاعر
وانهم بعيدين كل البعدعن نبضات قلب
يهمس بالحب
آقولها لهم صريحة الآن
انتم آموات ... نعم لقد ماتت قلوبكم
عندما توقفت عن النبض والإحساس بالحب
ماتت قلوبكم عندما حملتوا داخلها



الكراهيه بدلاً من هذا الشعور السامي
انتم آموات بيننا

أتدركون ان الحب بالفعل موجود وانه شعور ليس بأيدينا
انما هو احساس داخلنا وليد اللحظه
نهمس ... نتغنى ... نصرخ
به اينما كناهذا هو إحساس الحب
وسمو المشاعر بقلوب تنبض بالحياة

حينئذ فقط اعلموا انكم

تملكون قلوب حقيقي
هوتتعايشون بدون آقنعه زائفه
لأنكم الآن تدركون ما هو الحب
واتقنتوا هذا الإحساس
احساس يسمو فوق المادة يتخطى حاجز الرغبة
احساس بحب طاهر حب تخطى عادات البشر الميتة
انها مشاعر قلب
\\
//
\\
قلوب بلا مشاعر

ومن أقرب الناس ليك
الأخ
ربنا يسمحه

الثلاثاء، 10 أغسطس 2010

موضوع مهم الرجاء الأهتمام


السلام عليكم ورحمة الله وبركاته
رجاء
اللى يدخل يهتم للموضوع
ويقرءة كويس

******

أخوانى أخواتى الأعزاء في هذا الصرح العظيم

ونحن على أبواب شهر الخير والمحبة
وهذه الأيام المباركة التى من ّ الله عز وجل بها علينا
وجعلها أيام عتق ومغفرة وعمل .. وليلة فيها خير من
ألف شهر

هنيئآ لمن أستجاب له الله بها
وهنيئآ لمن تقبل منه هذا الصيام والقيام

وشرح صدره وطهر قلبه
من هنا تستطيع أن ترسل برقيتك الرمضانيه
لكل ظاهرة سيئة
لكل ظاهرة حسنه لكل عمل صالح لكل عمل سىء تراه
برقيه رمضانية من قلب محب يتمنى الخير لأخيه الأنسان
قد تكون البرقيه لنفسك أو لغيرك الأهم أن ننتفع بها
وأولى برقياتى فى هذا الشهر الكريم

هى
إلى كل من تسول له نفسه بالأساءة إلى الأخرين
تذكر بأن الله يراك
وحاسب نفسك قبل أن تحاسب
ومهما طال بك العمر لا بد وأن تنزل فى حفرة بعيدآ
عن كل منصب بعيدآ عن كل أهل وفرد
لن يصاحبك إلا عملك فأعمل لهذا اليوم ولا تغفل وهذه فرصتك
شهر رمضان المبارك
فهل وصلت البرقيه؟
فلمن ترسل برقيتك أنت ؟؟
أتمنى التثبيت ومشاركة الجميع
تحياتنا
توتا وحسام
۩˙·٠• ۩˙·٠• Ramadan Kareem •٠·˙۩ •٠·˙۩

الاثنين، 9 أغسطس 2010

جلا جلا





السلام عليكم ورحمة الله وبركاته

بشكر كلآ من دموع القمر والأخ محمود باحث عن حب

على إهداء هذا التاج لينا أحنا الأتنين توتا وحسام

وبما إن حسام مكبر دماغه وسايب المدونه ليا قررت أدبسه بالتاج

وعلى الفور وافق بدون أى كلام وجاوب عليه

وأتمنا ينال إعجابكم

******************

الأسئله
ــــــــــــــ
السؤال الأول
رتب الاتى حسب اهميتها بالنسبه لك

الصداقه _ الحب _ العائله_ المستقبل _ المال
الترتيب الحب لأنه أسمى المشاعر والروابط الأنسانية
وطبعآ العائلة والأصدقاء والمستقبل والمال

1-عرف الحب فى جمله صغيره ( حب الحبيب و الحبيبه)
إنك تعطى بدون إنتظار مقابل

2-وهل يمكن ان نعيش بدون حب (الحبيبه او الحبيب برده ) ؟؟؟
أنا عن نفسى الموت أهون من الأحساس دا وألمه
ويارب ما يرجع تانى ياااااااارب

ما الرساله التى تريد ان تبعثها لحبيبك او حبيبتك ( زوج /ة المستقبل )


إن وجد أو لسه ماوجدش ؟
عندما تتعامل مع من تحب على إنكما شخص واحد

ياترى إيه أكتر حاجة بتكرهها فى الحياة ؟؟؟
الظلم والخادع والنفاق والبعد

لو هتتمنى أمنية قبل ما تموت هتبقى إيه ؟؟
ياااااااااااااااه لو أعيش معاك باقى الحياة
وفى حضنك عمرى أكمله

- مين أكتر حد محتاج تشوفه وترتاح فى حضنه أو تبص فى عنيه ؟؟
أقسم بالله مش علشان التاج ولا حتى إنكم عارفين إننا بنحب بعض
لكن والله وربنا شاهد عليا
حياتى ودنيتى
توتا

- مين أكتر حد نفسك تخسره ؟؟؟
مممممم الغضب لأنى لما بغضب الفتره دى ببقا رخم اوووى

- من وجهة نظرك ... إيه هى الحياة ؟؟؟
ههههههه فكرنى السؤال دا بإجابة ماهى اليوم
خمر ونساء هههههههههه
لا حاجات كتير أووووى
الكوميديا / لأن دا من الطباع
والدراما
الحياة جملة مطاطة جدآ وتقال حياة لأنها متنوعه
يعنى من الأخر
الحياة عندى هى العمر بكل لحظاته

- ياترى هتقع فى الحب تانى لو حبيبك/حبيبتك سابك أو لو كان سابك بالفعل ؟؟؟؟
هههههههههه هو حد ناوى على طلاق بينا يا توتا ولا أيه هههههههه
فى الحقيقه الحب بنصدفه مرة واحدة فى العمر كله إزاى تلاقىى حد يحتويك
ويتمنالك الخير ويتمنالك إنك تكون منه لاء عن نفسى وربنا فعلآ إستحاله
ومش كلام والله ولا فض مجالسى مشاعر



ياترى تقول إيه للعالم كله ؟؟
إخوانى المواطنين أنعى لكم رجل من خير الرجال
هههههههههههههه
لاء مش دى
أنا بحب
توتاااااااااااااااااااا
يابنى أدمين
يعنى بزمتكم لو أنا قلت العالم هيسمع
أيه العالم العبيطه دى
&&&&&&&&&

ياترى لو هتخسر كل اللى حواليك فى سبيل حلمك ؟؟؟


هتكمل وتحاول تحققه حتى لو كان مستحيل ؟؟؟
منكرشى إنى أنا عنيد جدآآآآآآ
وممكن أخسر كتير أووى لو حد وقف قدام رغبتى فى شىء معين

*********

ياترى إيه أكتر إحساس عشته الايام اللى فاتت ؟
الألم لكن الفرحة طغت عليا وحسسيتنى إنى ما كنتش موجوع أبدآآآآآآآ

- بتمرر التاج دا لمين ... ؟؟؟؟
ههههههههههه
جلا جلا لاسحر ولا شعوذة
عيسى نبى موسى نبى محمد نبى
وكل من له نبى يصلى عليه
عليه أفضل الصلاة والسلام
التاج دا هيروح لكل البنى أدمين اللى بيعيشوا على مجرة التبانه
يعنى الكورة الأرضية يعنى الدوار الرابع
يعنى عم عبده البواب
هع هع هع هع
مع السلامو عليكوا
من طرف أخوكم حسام


محدش يخاف هههههههه

السبت، 7 أغسطس 2010

لية؟


ليه كتير اوووى من الناس بيحبوا ينخدعوا !!؟

ليه الشعب المصرى بيحب اللى بيديه على أفاه !!؟

هههههههههههه بصراحه مش لاقيه إجابه

ليه مش بنلجأ لربنا إلا لما بتحصلنا مصيبه

ليه أحنا عارفين أن معظم اللى بنعمله غلط

وبنستمر بالغلط

حاجه غريبه صح

ليه بنكلم بعض والنفاق جوه قلوبنا

ليه مش نخلينا صافين ونواجهه كل شىء

مش عارفين أن العمر لحظه

أحنا داخلين على شهر فضيل

وبأمل إننا نغير من أنفسنا

أمسح بمند يل الامل دمعة اليأس

وأسخر من أحداث الزمن بابتسامة

وعجبى

توتا

أموووووووووووووووووواه

الجمعة، 6 أغسطس 2010

شكرآ




شكرا لجرح كانت فيه صحوتي


جوايا حاجة خنقانى
عايزة أصرخ واقول آه يانى
لكن خوفى صوتى مايرجعش تانى
ياترى يادنيا حتصالحينى
والا حتفضلى مخصمانى

وامتى الدنيا تتغير
ياليل آه يا ليل

العذاب عاد من تانى

جمعة مباركة


السلام عليكم ورحمة الله

صباح الورد والنرجس والياسمين

صباحا معطرا" بالفل والريحان

عطر جمعتك برياحين الجنة وظللك باغصان بساتينها

وسقاك من زلال كوثرها

وجعلك من المغتنمين لو قتها بكثرة الصلاة على الحبيب

التاليين لسورة الكهف الناجين من يوم النفخ والحشرالثابتين على الحق
وجمعه مباركه على الجميع يارب

اللهم من قرآء رسالتي في يوم الجمعة

حبب خير خلقك فيه ومن حوض نبيك اسقيه

وفي جنتك آويه

وبرحمتك احتويه

وبقضائك أرضيه

وبفضلك أغنيه

ولطاعتك اهديه

ومن عذابك احميه

ومن شر كل حاسد اكفيه

اللهم أمين يارب العالمين