السبت، 7 أغسطس 2010

لية؟


ليه كتير اوووى من الناس بيحبوا ينخدعوا !!؟

ليه الشعب المصرى بيحب اللى بيديه على أفاه !!؟

هههههههههههه بصراحه مش لاقيه إجابه

ليه مش بنلجأ لربنا إلا لما بتحصلنا مصيبه

ليه أحنا عارفين أن معظم اللى بنعمله غلط

وبنستمر بالغلط

حاجه غريبه صح

ليه بنكلم بعض والنفاق جوه قلوبنا

ليه مش نخلينا صافين ونواجهه كل شىء

مش عارفين أن العمر لحظه

أحنا داخلين على شهر فضيل

وبأمل إننا نغير من أنفسنا

أمسح بمند يل الامل دمعة اليأس

وأسخر من أحداث الزمن بابتسامة

وعجبى

توتا

أموووووووووووووووووواه

61 التعليقات:

أتنين حبيبين يقول...

يلا
منتظره مشاركتكم معايا
بكل صراحه
كل عام وانتم بخير
كانت معاكم من امام الكيبورد توتا اللاسعه

جوجو يقول...

السلام عليكم
كل الاسئلة دى واحنا برده مش قادرين نرد عليهامش بنفكر قبل اى حاجة بنعملها الناس بقو غاوين تمثيل على بعض ربنا يهدى
مش عارفة مالك حاساكى حزينة كده روقى كده احنا داخلين على رمضان
تحياتى

mrmr يقول...

الف حمد الله عى السلامه يا قمر

ايوه كده عيشى بالامل
وحبى الحياه
وارفعى ايديكى لربنا ليرفع عنا كل حزن قلب ويمسح دموع التوبه بالغفران

ربنا يسعدك يا توتا يا حبى

أتنين حبيبين يقول...

جوجو

وعليكم السلام

الحمد لله ياحبيبتى مش تشغلى بالك انا زى الفل أهون وشمعه منوره
بس مستغربه من حال البشر بس

تسلميلى يارب

أتنين حبيبين يقول...

mrmr

حبيبتى
ربنا يعزك يارب ويرفع من شأنك حبيبتى
الحمد لله على كل حال
بس الاهم من ده كله أنتى مش رديتى على الاسئله
وهتفرق كتير
يلا منتظراكى

باحث عن حب يقول...

السلام عليكم
ثقافة التسليم
وامشى جوا الحيط
والبحث عن لقمة العيش
والعيال
وكده
ربنا يكون فى عون الشعب المصرى
كل سنة وانتى طيبه

mrmr يقول...

بالنسبه للناس اللى بيحبوا ينخدعوا
لان الخداع كلام معسول ومعظم الناس تحب الكلام المعسول المغلف بالخديعه

بيحب ينضرب على قفاه لانه جبان والجبن سيد الاخلاق

ربنا حنين قوى مش بيحب يسيبنا نحزن لما بيشوف دموع التوبه اللى تنبع من القلب علشان كده كلنا بنطمع فى حنيته ونلتجا اليه

بنعمل الغلط علشان طعمه حلووو
فى مقوله بيتقول ( المياه المسروقه حلووووووه ) فمهما كنا واثقين ان هذا خطأ لكن بنتلذذ بهذا الخطأ

النفاق يا عزيزتى دى بقيه طبيعه فى اغلب البشر كل واحد او وحده شايل فى جيوبه عده مسكات على راى المثل على كل لون يا باطسطه ( مش عارفه صح كده ولا لا )
وبتلوى ذى الحرباء .. لكن القلب الممتلئ بحب الله دائما يبقى صافى ووديع شفاف اولاد الله معرفون واولاد العالم ايضا مكشفوف

ربنا يملى قلوبنا بحب ربنا
ويسعدك يا توتا
سلامى الحار لماما ربنا يمد يد الشفاء لها

أتنين حبيبين يقول...

محمود(باحث عن حب

كل سنه وانت طيب

معاك حق
ربنا يكون فى عون الشعب المصرى
بس لحد امته هنفضل ساكتين
نأمل بالتغير والاصلاح

أتنين حبيبين يقول...

mrmr

الله عليكى
عبرتى واتكلمتى عن اللى كنت عاوزه اقوله
عجبنى موت رودودك حبيبتى
معاكى كل الحق والامثله مظبوطه
تسلم ايديكى يا مرموره
تسلمى والسلام هيوصل ياقلبى لماما ان شاء الله ربنا يبارك فيكى

mrmr يقول...

توتا يا قمر
دعوه لنشر خدمه تخدم شباب مصر للحصول على وظيفه
فاتمنى نشر مدونه وظائف عندك فى مدونتك لكى تعم الاستفاده ونشر الخدمه
ولكى كامل الحريه بالاستجابه او الرفض

ربنا يجعل لك ثواب بهذه الخدمه

أحــوال الهـوي يقول...

لاني بعيد عن مصر
لكن في الاجازة لقيت النماذج دي بكثرة
و لان المخادعين كتير يبقي لازم المخدوعين اكثر
و لان الناس مقهورة و همها لقمة العيش فدايما بتبص تحتي رجليها

و لاننا بشر فبنفتكر ربنا وقت الشده

و لان الغلط اصبح التصرف الغالب عند الناس فالموت مع الجماعه

و لان كله ده لغياب الايمان و القناعه فانتظروا المزيد
تحياتي

أحمد زاهر يقول...

مش عارف بس دى بقت طباع ناس كتيير
اللهم احفظنا

على العموم انتى ليكى وحشة أكتر
وكل سنة وانتى طيبة
ويلا كترى من الكنافة والقطايف

باحث عن حب يقول...

مادام فى حلم يبقى فى امل بس نسعى لذالك الحلم
بس
نحلم

ليس فقيرا من يحب يقول...

توووووتا ازيك يا حبيبتى

بصى انا وشى منك فى الارض ومكثوووووفه

من تقصيرى بس ملحوقه سامحينى بقى

وليه الاسئله الحائرة اللى ملهاش اجابات

غير اننا اتعودنا على كده عايشين بالبركه وخلاص وسيبينها زى ما تيجى

وكمان اتعودنا اننا نكون شعب تابع ونمشى فى قطيع

مش مهم نغلط وحلو اوى اننا نفتكر ربنا وقت المصيبه ونلجأله

وكل حاجه فى الدنيا ممكن تتظبط لو احنا عايزين ده من جوانا

مش عارفه ليه حسه ان فيكى حاجه

يارب تكونى بالف خير وبعدين البوسه بتاعتك عورتنى يابت هههههههههههه

كل سنه وانتى بالف صحه وسعاده

Ms Venus يقول...

صدقينى مش عارفة يا توتا


بس اكيد مش الكل كده


سامحينى انى بغيب عنك بس غصب عنى بجد


كل سنة وانتى طيبة وبخير وسعادة دايما يا قمر

اميرات الاسرار يقول...

السلااااااام عليكم

ازيك ياحبيبتى ياتوتا

انا معاكى فى كل اللى قولتيه فعلا احنا مش بنلجأ لربنا الا اما بنكون فى مصيبه ودا غلط لازم ربنا يبقى معانا دايما
وفيه ناس كتير اوى منافقه ياتوتا مش عارفه ليه الدنيا مبقاش فيها خير

كامل احترامى

زهراء

اميرات الاسرار يقول...

كل سنه وانتى وحسام طيبين ويارب يجمعكوا على خير ياقمر

محمد التركى يقول...

توته

أخبارك ايه
جامده قوى الصوره ديه
ههههههههههه

بصراحه كبيره قوووووووى
احنا غصب عننا بنتعامل مع ناس متعرفش ربنا اساسا
فى الشغل فى الشارع فى كل حته

ةنحاول نتعامل بما يرضى الله
وهما ابدا رأسهم والف جازمه لا
بيتعملو بغل وحقد
وغيره
ويتمنو للواحد ميت نصيبه تشيله
اصفى قلبى من ناحيته ازاى ده والنبى
انا بتجنب الاشكال ديه
وببعد عنها
وربنا يسامحنى ولا فى رمضان ولا غير رمضان
مش بعبرهم ابدااااااااااا
ولا بحب اكلمهم اساسا

اعمل ايه بس
المهم الموضوع جامد ياتوته
وكل سنه وانتى طيبه

تقبلى تحياتى

محمد التركى

Unknown يقول...

توتا الجميلة
لا أستطيع الاجابة بعدكل ما قيل من جميع الاخوة والاخوات
كل ماأستطيع قوله للجميع كل عام وانتم بخير والامة الاسلامية بكل خير
عش


توتا بمناشبة رمضان أدعوك لمسادتنا علي الطاعة في رمضان زلز بشئ بسيط وهو أزلة الصورة في مقدمة المدونة بتاعت البنت الحلوة دى عشام صيامنا وقيامنا مايضعش

أقترح وضع صورة الست العجوز الجميلة في البوست دة وبكدة نكون ضربنا عصفورين بحجر , عشان نعلم الرجال العفة
تحياتي لك
م/ علي يونس

داليـ ـ ـ ـ ـ ـ ــــا يقول...

ياأحلا توتا
وحشتينى
ربنا يضحكك دايما زى ما اضحكتينا

قبل ما انسا
لو البوسه دى منك انا موافقه انما من الست اللى بره دى مش عايزاها

سامحينى انا لسه مش فايقه للمناقشات
بس دخلت اطمن عليكى
لانى عرفت من البشمهندس محمود انك كنتى متغيبه زى

الزهرة البرية (Joudy) يقول...

أهو ليه دى بقى مش ليها إجابة عندى زى بالضبط الصحاب اللى بيفضلوا معاكى ويفهموكى إن مفيش فى القلب غيرك هههههههه وفى الأخر تكتشفى ان انتى مجرد كبرى بيعدوا من عليه أو محطة بيستريحوا فيها علشان يكملوا طريقهم وبينسوكى فى الآخر تقريبا اتعودنا على الخداع وبقى بالنسبة لنا شئ عادى يا اما اننا نتخدع ونطنش يا إما ننافق علشان نساير أمورنا وحقيقى كل ده مبقاش واضح ومبقناش عارفين نكتشفه بقى الصح تايه فى جيوب الغلط

دمتى بكل الخير والحب والسعادة

همسات وبحــ الحياه ــر يقول...

ازيك ياتوتا
واحشانى ايه الغيبة دى
كدا تقفلى التعليقات وتقلينا عليكى
حمد لله على سلامتك
كل سنة وانت طيبة

Tears يقول...

لان كل انسان بداخلة متناقضات

سَارةٌ يقول...

توتا وحشتيني جدااااا

حمدلله عالسلامه ياجميل .. بطلي تغيبي تاني بقى .. :)

عارفه ليه ؟

عشان احنا ناس .. مجرد ناس .. لازم هنحب ونتخدع لازم ناخد على أفانا وندي غيرنا على أفاه ..

مبنلجأش لربنا غير لما بتحصل مصيبه .. عشان الدنيا بتاخدنا .. بنفتكر ان ربنا راضي عننا واحنا ناس كويسين ويمكن يطلع العكس صحيح ..

ربنا يعينا على شكره وحسن عبادته ..

وكل سنه وانتي طيبه ياتوتا ..

اه على فكره انا لسه موصليش الفانوس بتاعي .. :D :D

رمضان كريم . :)

جنّي يقول...

السلام عليكم

ازيك يا لاسعة .. يوووه قصدي يا توتا..

انتي لخصتي الحكاية في اخر جملتين :

أمسح بمند يل الامل دمعة اليأس

وأسخر من أحداث الزمن بابتسامة

سلام

love is life يقول...

موضوع جميل جدا

وفعلا كل كلامك صح ولازم نغير من نفسنا شويه عشان ربنا يباركلنا


وكل سنه وانتوا طيبين

تقبلوا مرورى

mrmr يقول...

توتا
مرسى يا قمر على تلبيه الدعوه
ربنا يبارك حياتك ويسعدك

gogo!sf يقول...

يا نهارك مش فايت على الصورة وربنا اتخضيت
حرام عليكى يا بنتى قطعت الخلف

المهم
انتى بتتكلمى صح بس مش كل الناس بتعمل كده وعشان مزعلش حد منى انا هتكلم عن نفسى

انا مش بعرف اكلم حد وانا زعلانه منه ولو حصل وعاتبته ومش صافيه ليه بقولو بكل صراحه انى قلبك مش صافى ليك ومخنوقه منك ومن الاخر مش حابه انى اشوفك
اما بالنسبه للاخطاء اللى احنا بنعملها واحنا عارفين انها غلط
معتقدتش ان فى انسان كويس هيعمل حاجه غلط وهو عارف انها غلط اكيد هو فاهم انه صح ومقتنع جدا انه صح مهما اتقاله انه غلط

وفى الاخر ربنا يهد ينا جميعا
وكل سنه وانتى طيبه ورمضان كريم
وبأذن الله رمضان الجاى تكون فى بيتك مع حسام قولى امين يا بنتى
انا بدعيلك هو انا بدعى عليكى

كل سنه وانتى طيبه يا قمر
طمنينى على مامتك يا رب تكون بخير دايما

جايدا العزيزي يقول...

توتا

هو الشعب المصرى كدة

النيل راواة والخير جواة


وسهل ياخد على قفاة


جايز الطيبه جوانا


جايز يا قلبى علشان قلوبنا حزانا


لكن هنفضل كدة


مش بيقولوا شعب الكرم


وانت عارفه ان الحاله الاقتصاديه بتسوء


يعمل ايه بقى الشعب المصرى ياتوتا


عندة فائض فى المشاعر


يمنح السلام وقت الحرب


وينس المجازر ويسامح


اما البعض الاخر يتجه الى النفاق


لتحسين الحاله الاقتصاديه


او يقعد على القهاوى ينم ويعاكس


يعنى كل شئ موجود


ولكن مازال بداخل بعضنا ايمان


ومبادئ وانتماء


وانا دائما احب ان اشكر الله فى كل وقت


الا بذكر الله تطمئن القلوب


جايز علشان كدة ياقلبى بنفتكرة وقت الشدة


كل عام وانت بخير يا قمر


ودعواتى الى والدتك


واتمنى ان تظلى على مبادئك دائما


فلا تيأسى من رحمه ربك


واطردى النفاق والكذب من حياتك


تحياتى

أتنين حبيبين يقول...

mrmr

انا تحت امرك ياباشا
وطبعآ علم وتم التنفيذ

أتنين حبيبين يقول...

mrmr

ربنا يعزك يارب
والشرف ليا انا
تحياتى

أتنين حبيبين يقول...

مهندس على يونس

كل عام وانت الى الله اقرب
ورمضان كريم عليك

بس يعنى حضرتك انا شايفه ان الصوره عاديه ومافيهاش شىء يعنى يدعو لكلامك
الاختلاف فى الرأى لايفسد للود قضيه

اسعدنى مرروك

أتنين حبيبين يقول...

محمود(باحث عن حب)



طبعآ الامل موجود
وطالما فيها امل اكيد ربنا كريم

أتنين حبيبين يقول...

أحــوال الهـوي

يسلمك حسك يا استاذ عصام

كل سنه وحضرتك طيب

أتنين حبيبين يقول...

بــــ الخطاب ــن

وانت طيب
اخبارك ايه وايه الغيبه دى
ربنا يعزك يارب ويبارك فيك

أتنين حبيبين يقول...

ليس فقيرا من يحب

وحششتينى
وحشششششششششششششتينى يا ارق رونى كل سنه وانتى طيبه وينعاد عليكى الشهر بالخير
ولا يهمك حبيبتى الدنيا تلاهى واكيد غص عنك
المهم انى اطمنت عليكى وده الاهم

أتنين حبيبين يقول...

Ms Venus

ولا يهمك حبيبتتى

كل عام وانتى الى الله اقرب
ورمضان كريم عليكى

أتنين حبيبين يقول...

اميرات الاسرار

زهراء

كل عام وانتى بخير واسرتك الكريمه والامة الاسلاميه جمعاء
ربنا يبارك فيكى يارب ويعزك حبيبتى

أتنين حبيبين يقول...

اميرات الاسرار
ربنا يعزك حبيبتى ولكى مثل ما دعيتى ليا
تحياتى

أتنين حبيبين يقول...

دموع القمر

اهلا اهلا توتو
ازيك ياقلبى يلا الحمد لله على كل حال
ربنا يعزك يارب شرفت بيك
تحياتى

أتنين حبيبين يقول...

داليـ ـ ـ ـ ـ ـ ــــا

وحشتينى اوووى
ربنا يفرح قلبك
ومبسوطه انى ضحكتك ورسمت البسمه على شفتاكى

كل سنه وانتى طيبه
وازمه وهتعدى
نورتى من تانى

أتنين حبيبين يقول...

محمد التركى
أسعدنى تواجد واسعدنى رئيك
ومتشكره لحضرتك مرورك الجميل ويبقا التواصل ان شاء الله

كل عام وحضرتك بخير
ورمضان كريم

أتنين حبيبين يقول...

الزهرة البريه

حبيبتى اخبارك وحشتينى كتير كتير
ربنا يسعدك يارب ويوفقك
سعدت بتعليقك ومرورك الاجمل

مودتى

أتنين حبيبين يقول...

حَـبآيـۃْ.بـטּـدۉڷ


ارق بنوته وحشتينى اوووى والله
يارب يسعدك يارب ويطمنى عليكى حبيبتى
تعرفى انا كمان مش جالى فانوس بس هيعط ولاذم يجلى ولو جالى هنقسمه بالنص ايه رئيك بقا

ههههههههههههههههههههه

نورتى
ورمضان كريم

أتنين حبيبين يقول...

Tears

كل سنه وحضرتك طيبه حبيبتى

رمضان كريم

أتنين حبيبين يقول...

جنّي

اهلا اهلا استاذ سعيد
كل عام وانت الى الله اقرب
شرفتنى
ورمضان كريم
تحياتى

أتنين حبيبين يقول...

gogo!sf

هههههههههههههه

ما انا قلت لاذم اخضكم قبل رمضان عشان تدخلو عليه بصدر رحب كده

هههههههههههههههههههههه
ربنا يبارك فيكى ويعزك ويكرمك كل الخير حبيبتى وبشكرك على سؤالك الدائم والحمد لله ماما بقت احسن
ربنا يشفى مرضى المسلمين يارب

أتنين حبيبين يقول...

جايدا العزيزي

ربنا يبارك فيكى ويعزك ويكرمك خير
سعدت بتواجداك
وبتواصلك معى حبيبتى ويارب يديم الود بينا

تحياتى لشخصك

ورمضان كريم

أتنين حبيبين يقول...

love is life

تحياتى ليك
وكل سنه وحضرتك طيب
شرفت بمرورك

موجة يقول...

امشىىىىىىىىىى
مش عاوزة البوسة دى
بعيد بعيد
امشى يابوسة بعيد ما تجيش عندنا
ده منظر وليه ياشيخة حرام عليكى
مش هعرف انام لمده ساعة واحده وبعدين هنام لانى هلكانة م التعب
المهم
رمضان كريم وسعيد علينا جميعا
ويارب يهدينا يارب

ذكرى رحيل قلم يقول...

السلام عليكم
كل سنة وانت طيبة اللهم بلغنا رمضان

ربنا يهيألك الخير يا قمرايا ويبعد عنكي كل شر

موناليزا يقول...

شوفى كله كوم وآخر صورة دى كوم تانى
بجد ضحكتنى جدا:)

عموما أسئلتك ملهاش إجابة واضحة لأن كل واحد وهتلاقى له اسباب مختلفة
وفى الاخر لا نملك سوى الدعاء للجميع بالهداية وبأن يرنا الله الحق ويرزقنااتباعه ويرنا الباطل ويرزقنا اجتنابه

أتنين حبيبين يقول...

موجة
ههههههههههههههههه

هههههههههههههههههه

هتتبساسى ياقمر يعنى هتتباسى

وحششششششششششتينى قلبى معاكى

أتنين حبيبين يقول...

ذكري رحيل قلم

وعليكم السلام ياقلبى

وحشتينى اووى

كل سنه وانتى طيبه واسرتك الكريمه وينعاد عليكى الايام بالخير

مودتى

أتنين حبيبين يقول...

موناليزا

ههههههههههههه
اى خدمة ياحبى
ربنا يبارك فيكى ومبسوطه انى اسعدتك
رمضان كريم عليكى وعلى الامة الاسلاميه جمعاء

مودتى

العلم نور يقول...

السلام عليكم ..

رغم أني قررت غاليتي أن لا أرد على أحد أو أعلق عنده .. إلا أن مواصلتك الدائمة جعلتني أتغاضي عن هذا الأمر معك .. فما أعذب وأطيب مرورك الكريم الذي يثلج صدري ..

بارك الله فيك ووفقك وأزال عنك الهم والغم أنت ومن تحبي اللهم آمين.

وكل عام وأنت بخير .. وعلى فكرة موضوعك جميل جدا وبإختصار أقول لك .. أن في نهاية الزمان تقلب كل الموازين .. ويصبح الشر هو الطاغي على الخير لقلة أهل الخير وكثرة أهل الشر .. ولكن أهل الخير رغم قلتهم وضعفهم إلا أن الله عز وجل معهم وسينصرهم على القوم الظالمين ولو بعد حين اللهم آمين.

ساسو يقول...

توتا
وحشتيني يا حبيبتي

موضوع جميل جدا
فعلا هو دا بقي حال الدنيا

بس كله كوم
والصوره الاخيره كوم تاني خالص
اللهم احفظنا

عارفه ياتوتا
انا لما شوفت الصوره دي
لقتني بقول"
الحمد لله يارب انك خلقتني في احسن صوره


كل سنه وانتي بخييييييير

حلمى البعيد يقول...

ازيك يا حبي
وحشانى والله يا قمر
بس طول ما سؤلنا ليه ؟؟
صعب نلاقي إجابه
خصوصا في بلدنا الامين مصر
سيبك
احلى مافي الموضوع الانسه اللى بتبوس دى
ههههههههههه قمر يا خواتى

تسلمى يا غاليه على سؤالك
يارب يدوم التواصل ما بينا

أتنين حبيبين يقول...

أم الخـلـود

ربنا يخليكى اخت وحبيبه
ما احلى الحب فى الله ربنا يبارك فيكى ويعزك
والشرف ليا انك تيجى هنا بجد
وده كتير عليا
ربنا يديم الحب والاخوه بينا
دمتى بكل الخير

أتنين حبيبين يقول...

حلمى البعيد

حبيبتى نورتى والله ومتشكره ليكى وعيب لما تقولى كده احنا اخوات ووجبى اسئل عنكى ربنا يديم الود والمعروف بيا

تحياتى ليكى اميرتى

أتنين حبيبين يقول...

ساسووووووو
ههههههههههههه

يهمنى ان الصوره والبوست عجبكم

وده اهم شىء

نورتى ياقلبى واهلا بيكى فى اى وقت

مودتى