الاثنين، 13 سبتمبر، 2010

أبن بلدى


إبن بلدى

يا بن بلدى

أجمل مافيك سواد عيونك

خلونى تايها فى مليون سؤال

و إبتسامتك

السحر فيها

والشوق ماليها

ساعة ما شوفتك

على طول عرفتك

إنشغل بيك بالى

وطار بسرعه يسلم عليك

وقال أه يانى

الشوق نادالى

فى حبك رمانى

إسمك عرفته

لحظة ما شفته

منقوش على جبينك

فوق فى السما زى الهلال

يا أبو قلب طيب

الصبر طيب

والخير قريب

يانبض جو القلب

♥♥♥♥

بقلمى

توتا

تحياتى

30 التعليقات:

جايدا العزيزي يقول...

اول تعليق


جيت ابل الريق

جايدا العزيزي يقول...

وحشانى اووووووووووى

وحياة ربنا طول النهار امبارح ااقول فين توتا

والنهاردة كمان

انتى عملتيلى ايه ياقمر

جايدا العزيزي يقول...

ااقرا تانى واحدة واحدة وارجعلك

لـــولا وزهـــراء يقول...

تــــوتا

ايه الكلام الجامد ده كله

انتى رقيقه اوى اوى يا قمرايه ربنا يسعد قلبك ياااااااارب

mrmr يقول...

احساسك بالحب يجعل كل شئ فى عيونك جميل
هنيا لك بالقلب الطيب والابتسامه الساحره
يا ام قلب طيب يا توتا يا قمر
ربنا يسعدك ويحافظ عليكى ويكلل حبك بالنهايه السعيده
سلامى لماما وتمنياتى اليها بالشفاء

جايدا العزيزي يقول...

بسى ياقمر جميله اوووووووووى


تقريبا الوزن والقافيه تمام


على طول عرفتك

إنشغل بيك بالى


-------

وانشغل بيك البال


علشان انتى دايما بتقفلى الكوبليه

ال ماينفعش تقفليه ل ى


الاغنيه جميله

اكيد لحسام صح

ايوه ياعم

ماحدش بيسأل فينا

بس عرفنا ان عيونك سود

ربنا يخليلك توتا

ويخليك ليها

تحياتى

Tears يقول...

شدنى اوى عنوان البوست و مقتنعه بيه جدا

دايما بحس ان انجح ارتباط هو الارتباط من نفس البلد ان لم يكن من نفس المحافظة لان التاريخ و الاحساس و الرؤية للحياة بتكون نابعه من نفس الزاوية


تحياتي

شهرزاد يقول...

والله هنيا له اللي قلبك اختارو
ربنا يسعدكم ويجعل حياتكم كلها حب

حَـبآيـۃْ.بـטּـدۉڷ يقول...

تـوتا .. يـآ كلماتك .. :)

بجد لذيذه وجميله جداً جداً جداً .. :)

وكلامك حلوو اووي ..

ربنا يهنيك ويسعدك دايماً كده ياتوتا وتفضلي تكتبي اشعار كلها حب × حب :D

جوجو يقول...

السلام عليكم
ازيك ياتوتا
ايه الجمال ده والحلاوة دى
غايبة بقالك كتير حرمانا من ابداعك بس جميل ياتوتا تسلمى
تحياتى

الــحــــنـــــــــــــــــــين يقول...

ايه كل الجمال ده يا توتا والله مفيش كلام جميل بعد كده انا مش عارف اقولك ايه غير ماشاء الله عليكى انتى جميله اوى

just waiting يقول...

توتــــــا
جميلة قوي
ربنا دايما يسعدك انتي وحسام مع بعض ومش يفرق بينكم ابدا

الشاعر الفنان أحمد فتحى فؤاد يقول...

إيه الجمال ده يا توتا

مش مهم القافية و مش مهم الوزن

المهم الإحساس .. و إنتى مافيش أعلى من كده إحساس و لا أرق من كده مشاعر

ربنا يخللى لك حبيبك و لا يحرمكو من بعض أبدا

دمتى بخير

من كل بستان زهرة يقول...

جميلة جدا يا توتا
تسلم ايديك
يابخته الي الكلام ده مكتوبله
ده لازم يحبك ويشيلك في عينيه طول العمر

أسعدك الله

Ramy يقول...

توتا

خلتينى أبتسم

وسط كل الحزن اللى حوالينا


دمتى بخير


(:

طالبة مقهورة ..درجة أولى يقول...

توتاااااااااااا
ازيك يا قمري فرحت اما لقيتك كتبتي

يارب ماما تكون اتحسنت وترجع احسن م الاول

ايه ياعم رومانسياتك ديه

جميلة اوي بحس بجو ألفة هنا ف المدونة ديه عشان كده باجي ازروها كذا مرة واعيد وازيد ف القراية

ربنا يكرمك يا قمر ويسعدك

بكر أحمد يقول...

توتا

انت تكتبي باحساس واضح وعميق

رائع .

florieda يقول...

كلام جميل واحساس رائع
شكرا على زيارتك لى يا قمر

miroooo يقول...

وحشانى موت يا توتا
فينك يا بنتى؟ انتى نستينى ولا ايه؟
البوست جميل ربنا يخليلك ابن البلد
ويوعدنا بابن بلد زيه كده
ربنا يسعدكم يارب
سلامى لحسام
تحياتى

gogo!sf يقول...

حلوة اوى يا توتا

بعشق الكلمات اللى طالعه من القلب
واحسها تكون صادقه
وطبعاً باين الصدق والحب بين حروفك وكلماتك

تسلم ايدك يا قمر

ابقى طمنينى على مامتك
وربنا يشفيها ان شاء الله يا حبيبتى

ساسو يقول...

ياسيدي يا سيدي
رقه وجمال وفن وابداع
لأ يا توتا
انتي مبدعه
احساسك بالحب رقيق وصادق جدا

بحبك اخر حاجه يا سكره قلبي

بــــ الخطاب ــن يقول...

توتا
ازيك انت كمان وحشانى كتيير أكيد
ايه الكلام الجميل ده
يسلم احساسك
تحياتى

florieda يقول...
أزال المؤلف هذا التعليق.
sendbad يقول...

احلي ما في الكلام العامي وصوله للقلب مباشرة بدون عوازل وبدون مجهود
تحياتي لاسلوبك

كلام من قلبي يقول...

ايه يا عم الجمال دا
بجد حلوة اوي
تسلم ايدك يا عسل

عمرو يسرى يقول...

الله الله
جميله جدا
واحساس جميل
وكل مافيها جميل
واسف للغياب

علاء المصرى كل يوم يقول...

مرحبا توتا

دامت الحروف للمبدعين

دعوة لمشاركة ملتقى الأيمان
http://alaaelmasryalaa.blogspot.com


تحياتى لك سعدت جدا بمرورى اليوم

فاروق بن النيل يقول...

توتا(أتنين حبيبين)
كلام منسق لطيف ظريف خفيف عفيف مخيف
والله فيه موسيقى جميلة رقيقة عجبتنى جدا وشكرا لك

فاروق بن النيل يقول...

توتا.....
كل سنة وأنتما طيبان عزيزان سعيدان مرتاحان شاعران كويسان زى أبو فراس الحمدان

أم الخــلـود يقول...

ما أجمل الحب وأنقاه وبالذات لابن البلد .. جميل جدا الكلمات العفوية والبسيطة للتعبير عن الحب بكل معانيه .. سلمت الأنامل غاليتي توتا وربنا يحفظكم يارب اللهم آمين.

لك مني كل الود والحب والتقدير غاليتي دمتي في حفظ الله